Os destaques de hoje incluem: a apresentação da encíclica "Magnifica humanitas"; respostas a jornalistas em Castel Gandolfo; e a Audiência Geral da última quarta-feira. O programa semanal de notícias — em colaboração com o Escritório das Letras Latinas da Secretaria de Estado — também está disponível como podcast no Vatican News.
HEBDÓMADA PAPAE” NOTÍTIAE VATICÁNAE LATÍNE RÉDDITAE Die tricésimo mensis Máii anno bismillésimo vicésimo sexto TÍTULI Lítteras Encýclicas Magnífica humánitas Leo quartus décimus ipse osténdit, postquam a lítteris Rerum novárum éditis centum trigínta quinque transiérunt anni, cum per has Ecclésiae doctrína sociális praeberétur intellegéntiae artificiális témpore. Arce Gandúlfi ex auctoritátibus quaerit Summus Póntifex ut subvéniant atque óperam dent ad Gazam reficiéndam ubi cives valde “patiúntur”: haec sunt eius verba ad diurnários. In Generáli Audiéntia dísserens de conciliári Constitutióne Sacrosánctum Concílium, éxplicat quómodo Ecclésiae cultus “incarnátus” sit in formis cuiúsque aetátis, movens evangelizatiónis opus”. Salútem plúrimam ómnibus vobis núntios Latínos auscultántibus ex corde dicit Xavérius Sartre. NOTÍTIAE Die lunae primas Lítteras Encýclicas osténdit ipse Summus Póntifex, quod numquam ántea factum est. Iuxta eum internationáles theólogi áderant atque altae technológiae períti, inter quos Anthropic, ut aiunt, cónditor annumerátur. Hoc documéntum, quod per quinque cápita evólvitur, ex hac praesumptióne exórditur, technológiam ullíus esse partis. Quaprópter ex bono aedificémus opórtet atque humáni maneámus. Refert Sílvia Guidi. Quaedam ampla crebráque tractántur éaque ex sociáli Ecclésiae doctrína oriúntur, sed de technológia potíssimum, intellegéntia artificiáli nominátim disséritur; ex quo Póntifex: ad eándem módice vigilantérque est accedéndum. Offícii consciéntia prae óculis cuiúsque gradus est habénda aeque ac política iuridicáque áctio, líbera vigilántia, institútio uténtium. Intellegéntia artificiális abducénda est ab armis rebúsque oeconómicis inspicientibúsque. Transhumanísmum ac posthumanísmum, qui dicúntur, quoque ímprobat Leo quartus décimus, áutumans límitem non esse humánum quiddam deléndum, at áliquid ad hóminem attinéntem. Ex intellegéntia artificiáli duae exstant ratiónes progréssus efficiéndi, quae homínibus ac pópulis insérviunt aut in dominátum inclínant, áliis verbis aut in Babélem aut in Ierúsalem vertunt. Ádicit quoque Póntifex ut a novis servitútibus vel a dominándi stúdio caveátur. Hortátur tandem ipse ad amóris cultum adipiscéndum. Arce Gandúlfi ántequam discéderet, die Martis vésperi, Leo Papa de intellegéntia artificiáli est locútus. Diurnáriis percontántibus dixit bella hódie hoc instruménto geri, dum humánae vitae neglegúntur, ut in Gaza et Líbano usu venit. Alexánder De Carolis refert. De Gazae subsidiórum classícula senténtiam rogátus, quam Israelíticus exércitus représsit, Póntifex dixit humána iura esse servánda ac Gazae pópulum iuvándum. “Foedus est revocándum”, per diálogum negótia sunt expediénda”. Pro dolor subsídia adhuc in Gazam non pervéniunt – inquit Leo quartus décimus – qui “omnes auctoritátes” hortátur ut “Gazae géntibus” occúrrant, quae “mala patiúntur”, et eae item pótius óperam dent ad aedifícia locáque ínibi restituénda”. Suas postrídie Lítteras Encýclicas éditas, autumávit Summus Póntifex bella per intellegéntiam artificiálem geri solére, ut fit in Líbano aliísque terrárum orbis pártibus, ne dicámus de tot homínibus qui hac de cáusa intéreunt”. NOTÍTIAE BREVÍSSIMAE In Generáli Audiéntia, die Mercúrii, in Petriáno Foro, álteram catechésim agens de Constitutióne conciliári Sacrosánctum Concílium, Leo quartus décimus planum facit quemádmodum cultus “incarnátus” sit in formis cuiúsque aetátis, movens evangelizatiónis opus: hódie haec vis est renovánda, litúrgicas normas servándo, neque fidéles sunt perturbándi addéndo vel quaedam mutándo; nováta ne in discrímen addúcant ecclesiálem communiónem, sed eándem confírment. Haec háctenus, próxima hebdómada, nova narrabúntur. Valéte!
